杜夫 長板波

|共13篇|

杜夫:習大大最期待嘅畫面出現了

國際足協喺 1 月 10 日 嘅會議上,一致通過修改 2026 年世界盃決賽周賽制,由 32 隊增加至 48 隊參賽隊伍,分 16 組比賽,3 支球隊 1 組,每組淘汰 1 隊,之後晉級淘汰賽。成個世界盃決賽周場次將由以前嘅 64 場增加到 80 場,估計改革措施可以幫國際足協賺多 6 億歐元。措施一出,自然少不免有人反對,西甲賽會主席迪巴斯就話到明要向歐盟提告,話國際足協事前無諮詢西甲賽會意見。Come on James!成熟啲啦!事前諮詢同事後諮詢咪一樣,故宮得,點解世界盃唔得?

杜夫:由英超播映權說起

過去呢個禮拜,雖然無英超賽事,但唔少球迷都過得驚心動魄,因為奪得英超、NBA 等體育節目香港播映權嘅樂視突然傳出資金危機,被指欠債 500 億元,更拖欠 100 億元,有爆煲危機,需要裁員、停止擴張、以至撲水救亡,最後搵到富商投資 6 億美元,暫時解決燃眉之急。一旦樂視有咩冬瓜豆腐,球迷們都咪話唔驚,隨時提早收咧,下半季未必有得睇。

杜夫:輸!輸!輸!輸!輸!

輸!輸!輸!輸!輸!講緊嘅唔係明朝嘅「七殺碑」,而係曼城近年喺歐聯對住巴塞隆拿嘅成績。除咗 2013/14、2014/15 球季外,今季曼城再對巴塞隆拿,結果倒戈嘅巴禾領紅,曼城被炒 4 球,再次敗走魯營。賽後,好多人將輸波責任歸咎於巴禾,但係事實係咪咁?

杜夫:大衛雷斯愛回家

今個夏天嘅轉會窗終於關上,英超當然又係今次嘅大戶啦,總共豪洗咗逾 11 億鎊,咁除咗幾單天價交易之外,最多人留意嘅自然係多宗「愛回家」交易!好似有普巴天價回曼聯、莫拉達重返皇家馬德里、葛斯重投多蒙特、曉姆斯回歸拜仁慕尼黑,而最令筆者驚訝嘅係,車路士標尾會以 3,400 萬鎊回購大衛雷斯呢單交易。

杜夫:維猜與他信

今屆李斯特城彈起拎到英超冠軍,好多人都讚雲尼亞里、華迪、馬列斯、干堤表現出色,讚到天上有地下無咁款,但數數埋埋就好似爭梗個人咁。無錯,果個就係最大嘅幕後功臣——老闆維猜。「老細還老細,領隊歸領隊」本來好閒,但世界上好多老細都食飽飯無野做,鍾意出黎指指點點,教你點踢波走位先至掂,以為有權有錢逆線行車都得。

杜夫:布力般流浪的繼承者們

經過左周二凌晨嘅賽事,車路士 2:2 迫和熱刺之後,李斯特城提前兩輪於英超封王,正式成為第 6 支奪得英超嘅球會。好似雲尼亞里話齋,李斯特城嘅奇蹟唔可以複製,要喺今時今日嘅足球壇,靠士氣、鬥心、整體戰打破豪門壟斷真係好難。李斯特城好難唔令人諗起足足廿年前有多嘅布力般流浪,果陣時香港都仲係英國殖民地。

杜夫:黑哨的五個層次

上周末,李斯特城主場對韋斯咸,球證摩斯成場波搶盡風頭,最後由警衛護送離場。好多球迷就為李斯特城呼冤,話球證黑哨。Come on James!唔好下下輸波就賴黑哨,英超球證有邊個唔係猛料先?要精確咁討論球證執法,先要釐清概念,唔好次次都淨係識話黑哨咁膚淺。

杜夫:錄影重播好過無

FIFA 新會長恩范天奴當選無耐,轄下嘅國際足球協會理事會就搞搞新意思,將講左好多年嘅錄影重播措施推上檯面,試行兩年,喺 4 種情況之下即時翻睇錄影片段,包括係咪入波、趕人出場、判十二碼⋯⋯