FIFA

|共10篇|

方俊傑:毒男簡迪的勵志故事

簡迪的故事勵志在原來一個毒男也可以大受異性歡迎,最緊要毒得夠徹底。話說法國贏波後,在頒獎台接受獎盃,個個球員就算無份落場的,都搶住去摸摸個盃,只有簡迪一人在排隊、在等候機會、在疑問自己究竟可不可以觸碰一下個盃,完全不敢開聲提出要求,表情就似坐小巴不敢嗌有落的怕醜男生。

方俊傑:大佬可以走線嗎?

話爆冷話爆冷,如果巴西跟德國沒有絕殺,可能真會一地眼鏡碎。現時情況是傳統強隊其實大部分平平安安審慎樂觀,連阿根廷都死唔斷氣。執筆時,A 組跟 B 組的最後一日賽事未舉行,留低一項懸念:究竟西班牙跟葡萄牙有沒有動到走線的念頭?A 組首次名結果先出,B 組確實存在走線的空間。連續三晚,都有走線的必要性及可能性,值得花心思鑽研一下。

方俊傑:世盃 G、H 組 —— 比利時、英格蘭靠運打入八強?

英格蘭算好運,抽中巴拿馬跟突尼西亞。巴拿馬是處女,情況有點似 06 年的千里達,又是抽中跟英格蘭同組,得到一分算有交代。另一支突尼西亞較強,但也受惠於外圍賽抽到好籤,跟利比亞、畿內亞同組,也僅僅勝過剛果才直入決賽週,賽績跟比利時與英格蘭難以相提並論。兩隊同樣以不敗姿態征服外圍賽,比利時更硬淨,因為同組有希臘。可惜,兩支球隊都有大賽必腳軟的弊病。

方俊傑:世盃 E、F 組 —— 遇上巴西德國 誰能晉級十六強?

巴西上屆在主場恥辱地被德國以 1:7 淘汰,其中一個原因是尼馬因傷缺陣,大家才發現巴西的攻力完全倚賴尼馬。更大原因是中堅泰亞高施華停賽,靠大衛雷斯原來難以支撐後防大局。出現一場大屠殺,管理層才有決心來一場大改革。看里約奧運,尼馬帶領巴西如何戰勝德國,為巴西足球隊奪得史上第一面奧運金牌,那種如釋重負的氣氛,大概感受到上屆世界盃對堂堂足球王國帶來幾大傷害。今屆,幸運地,尼馬傷得早。

方俊傑:世盃 C、D 組 —— 法國陣容無得輸 阿根廷吊命靠美斯

C 組的形勢跟‌ B 組及 G 組的形勢相若,又是兩支牌面上較強的歐洲球隊,碰上兩支看似無得打的非歐洲球隊。計人腳,法國應該是今屆最強的三隊之一。出線十六強沒有難度,想再進一步,就好睇有沒有一個人走出來團結士氣。D 組某程度上的死亡之組。阿根廷看似穩操勝券,話晒有球王美斯,不過球隊向來慢熱,而且青黃不接的情況都幾嚴重。要買一隊熱門提早出局,我買阿根廷。

方俊傑:世盃 A、B 組 —— 俄羅斯出線話咁易?

主辦國被撥入第一檔次,究竟有甚麼理由?舉手:為了方便揭幕戰有主辦國份。似去屆由巴西主辦,問題不明顯;但今屆由俄羅斯搞,就似八年前的南非世界盃,隊隊都以為抽到A組便發達。別傻,八年前,A組除了南非,還有烏拉圭、墨西哥和法國。結果,南非的確出局,但榜尾是法國。

利雲:Big Data 始祖 Football Manager 沒落有因

相信唔少球迷除咗睇波之外,亦會打足球 Game,而家大部分人玩嘅應該係 FIFA 同埋舊稱 Winning 嘅 PES 呢兩大遊戲。今年 FIFA 多咗個故事模式,玩家可以一嘗 Alex Hunter 由青年軍到攞冠軍嘅經歷;而 PES 就搵咗兩個足球評述員配音,等玩家一邊玩一邊聽住伍生同馬生講「個波向前傳出」、「呢個龍門抵加人工俾佢啦」,好似置身其中咁樣,增加親切感。只不過,筆者最喜愛嘅足球 Game,始終係開始走向沒落、愈來愈少人玩嘅 FM(Football Manager)。

杜夫:錄影重播好過無

FIFA 新會長恩范天奴當選無耐,轄下嘅國際足球協會理事會就搞搞新意思,將講左好多年嘅錄影重播措施推上檯面,試行兩年,喺 4 種情況之下即時翻睇錄影片段,包括係咪入波、趕人出場、判十二碼⋯⋯