英超

|共50篇|

利雲:假如雲加想做費格遜

臨近聖誕快車,阿仙奴錄得兩連敗,連續兩場先勝後敗俾愛華頓同曼城,俾利物浦同曼城趕過,結果又回到熟悉嘅位置,雲加同阿仙奴球迷又繼續俾人抽水喇!睇咗差不多半季,阿仙奴又開始踏上熟悉的軌跡,好多人話係魔咒,其實更多係雲加嘅管理手法做成。講真,阿仙奴今季表現已經算唔錯,歐冠盃首名晉級(雖然十六強要對拜仁)、聯賽一直保持喺前列爭標位置,而且梅斯達菲加盟,令後防表演愈來愈穩定,呢份成績表絕對合格有餘。但係相信球迷已經覺得合格咗咁多年,需要突破,咁就要睇雲加會唔會突破自己喇!

利雲:曼城四弊

上周英超最矚目係華迪今季首次連中三元,協助李斯特城 4:2 殺退曼城,如果唔係比賽末段連入兩球,哥迪奧拿可能嚐到登陸英超後嘅最大敗仗。經過咗季初聯賽六連勝嘅強勁走勢,俾熱刺擊敗後,曼城走勢開始反反覆覆,近期更加陷入小低潮,好彩周中 2:0 贏咗屈福特,暫時回一回氣,但嚟緊兩個星期,先後要對阿仙奴、利物浦兩隊直接競爭對手,萬一有咩閃失,可能俾落後三分嘅熱刺趕過。究竟曼城今季有咩問題呢?

利雲:贏在起跑線嘅熱刺

上周英超最矚目嘅莫過於倫敦打吡,由挾六連勝氣勢嘅車路士主場對住今季聯賽唯一不敗之師嘅熱刺,結果熱刺破咗車路士嘅 601 分鐘不失球紀錄,車路士就破咗熱刺嘅聯賽不敗身。睇完呢場波,筆者覺得最大睇頭係熱刺領隊普捷天奴。普捷天奴係近幾季英超冒起得最快嘅領隊,由修咸頓到熱刺,好多球評家、球迷對佢嘅領軍能力都眾口稱譽,讚嘅多、批評嘅少。筆者對佢嘅能力都深表認同,只係認為呢場波顯示到佢嘅局限,如果佢能夠克服,就應該可以更上一層樓。

杜夫:由英超播映權說起

過去呢個禮拜,雖然無英超賽事,但唔少球迷都過得驚心動魄,因為奪得英超、NBA 等體育節目香港播映權嘅樂視突然傳出資金危機,被指欠債 500 億元,更拖欠 100 億元,有爆煲危機,需要裁員、停止擴張、以至撲水救亡,最後搵到富商投資 6 億美元,暫時解決燃眉之急。一旦樂視有咩冬瓜豆腐,球迷們都咪話唔驚,隨時提早收咧,下半季未必有得睇。

利雲:以天才之名

如果人生有四季的話,莫耶斯的春天應該喺接手曼聯果一刻(唔係果一季)已經完咗。想當年,以低價買入物超所值嘅卡希爾、積基卡等骨幹、帶領中型班愛華頓衝擊前四位置,令莫耶斯深得同為蘇格蘭人嘅費格遜讚賞,欽點為曼聯領隊接班人,結果執教短短一季,就黯然下台,留低嘅只有九九八十一斬嘅傳奇、同埋「莫天才」嘅嘲笑聲!

利雲:數字遊戲

上個禮拜,摩連奴首次帶領曼聯重返史丹福橋,結果捧四蛋而回,仲要賽後捉住干地傾偈,俾輿論話佢輸唔起;另一邊廂,干地自從大敗俾阿仙奴之後,一改球隊近三季踢嘅 4231 陣式,改踢 343 陣式,結果連續 3 場聯賽順風順水,3 場全勝零失球,似乎搵到一個最啱隊波嘅陣式,令車路士爬返上聯賽嘅爭標行列,究竟呢個 343 陣式有咩特點呢?

利雲:車路士的三大問題

英超車路士又輸一場!繼打和史雲斯 2:2、輸俾利物浦 2:1 之後,再慘敗喺阿仙奴腳下 3:0,聯賽連續三場不勝,仲有對阿仙奴果場,如果唔係半場已經勝負分明,阿仙奴稍稍縮後黎踢,車路士隨時輸得仲甘。經過咗季初三連勝後,陷入一個小低潮,令人關注車路士會唔會再一次淪為中游球隊?踢咗幾場波,觀察到車路士有幾個大問題要執。

利雲:勇於求變,先有希望

早兩個星期,筆者講曼市打吡,話曼聯條脊骨好過曼城,跟住曼聯就即刻陷入三連敗嘅小低潮;而另一隊季初開得唔錯嘅車路士亦新敗於利物浦腳下,而家英超得返曼城一隊全勝之師!睇完曼聯同車路士嘅敗仗,筆者最大感觸係抱殘守缺只係等死,足球場上要勇於求變先有希望!

杜夫:大衛雷斯愛回家

今個夏天嘅轉會窗終於關上,英超當然又係今次嘅大戶啦,總共豪洗咗逾 11 億鎊,咁除咗幾單天價交易之外,最多人留意嘅自然係多宗「愛回家」交易!好似有普巴天價回曼聯、莫拉達重返皇家馬德里、葛斯重投多蒙特、曉姆斯回歸拜仁慕尼黑,而最令筆者驚訝嘅係,車路士標尾會以 3,400 萬鎊回購大衛雷斯呢單交易。

黑天鵝效應 2016:騎士、李城、杜林普

NBA 總冠軍賽最終戰中,騎士以 93 比 89 擊敗勇士,逆轉封王,打破多項歷史紀錄,可謂是次比賽的「黑天鵝」——與贏得英超冠軍的球隊李斯特城、美國大選爆冷一躍為共和黨唯一候選人的杜林普十分相似。

Live Norish:可能係世界上最好嘅門將

卡斯柏舒米高協助李斯特城於今季英超奇蹟封王,成為一時佳話。不少丹麥球迷都為其功績感到高興。喜上加喜的,是他與父親彼得舒米高(下稱舒米高)成為首對曾摘下英超冠軍獎牌的親父子。舒米高堪稱傳奇,他為丹麥國家隊贏得 1992 年歐洲國家盃的故事,同為大衛壓倒哥利亞的經典。縱退下沙場多年,他在不少球迷心目中仍是頂級門將的標記。

利雲:摩佬回歸

呢個幾兩個禮拜,英超最熱話題已經唔係李斯特城,而係雲高爾幫曼聯奪得足總盃之後,慘食無情雞,球會宣布,小別英超半季嘅摩連奴將擔任下季領隊,曼聯進入新時代!摩佬回歸英超,唔少曼聯球迷拍手叫好,只不過,身為車迷嘅筆者覺得一切都要睇摩佬自己造化。

杜夫:維猜與他信

今屆李斯特城彈起拎到英超冠軍,好多人都讚雲尼亞里、華迪、馬列斯、干堤表現出色,讚到天上有地下無咁款,但數數埋埋就好似爭梗個人咁。無錯,果個就係最大嘅幕後功臣——老闆維猜。「老細還老細,領隊歸領隊」本來好閒,但世界上好多老細都食飽飯無野做,鍾意出黎指指點點,教你點踢波走位先至掂,以為有權有錢逆線行車都得。

紅眼:Made in Thailand 的勝利球衣

李斯特城鋒頭實在一時無兩,不但震撼了英國,連遠在地球另一邊的泰國都感受得到,來到泰國,街上隨處看見小店商販和手信攤在兜售李斯特城的戰衣。畢竟,李斯特城的班主是泰國人,而且是泰國最大 Duty free 集團王權(King Power)的老闆。如今連賣球衣的小子都覺得李斯特城是泰國之光,曼聯車路士皇馬的球衣都有折,李斯特城沒有,實在太好賣。少點常識,都可能以為它是泰國境內的某座旅遊城市。

利雲:艾殊利,你走啦!

我認,之前俾我估,我寧願估諾域治、新特蘭、水晶宮「爆冷」降班,都唔會估紐卡素,點知紐卡素贏唔到篤定降班嘅維拉,加上新特蘭兩連捷、拎得救命 6 分,提早一輪成功護級,紐卡素要陪諾域治、維拉下季英冠再見。大部分紐卡素球迷應該只得一個諗法,就係想同艾殊利講:「你走啦!我唔想搞大件事!」