倫敦打吡

|共1篇|

利雲:贏在起跑線嘅熱刺

上周英超最矚目嘅莫過於倫敦打吡,由挾六連勝氣勢嘅車路士主場對住今季聯賽唯一不敗之師嘅熱刺,結果熱刺破咗車路士嘅 601 分鐘不失球紀錄,車路士就破咗熱刺嘅聯賽不敗身。睇完呢場波,筆者覺得最大睇頭係熱刺領隊普捷天奴。普捷天奴係近幾季英超冒起得最快嘅領隊,由修咸頓到熱刺,好多球評家、球迷對佢嘅領軍能力都眾口稱譽,讚嘅多、批評嘅少。筆者對佢嘅能力都深表認同,只係認為呢場波顯示到佢嘅局限,如果佢能夠克服,就應該可以更上一層樓。