英超最好睇嘅地方就係唔係一兩隊獨大玩曬，有力爭標嘅起碼 6、7 隊。即使今季手執半隻盃耳嘅車路士，輸完俾水晶宮、曼聯之後，只領先熱刺 4 分，如果足總盃兩雄對決有咩差池，影響士氣軍心，英超冠軍隨時拱手讓人。
摩連奴
|共6篇|
利雲：有其師必有其徒
有其父必有其子，有其師就必有其徒。雲高爾教嘅曼聯，成日俾人批評係悶蛋足球，而曾經跟佢學師嘅摩連奴今季執教曼聯，聯賽只入 43 球，平均每場入 1.48 球，僅僅比去季全球入 49 球，平均每場入 1.28 球好。對比前季平均每場入 1.63 球遜色。
方俊傑：當摩連奴不再臭寸
摩連奴帶領曼聯第一次到訪車路士主場史丹福橋，慘吞四蛋，完場後走去對家教練干地身邊耳語，被意大利傳媒報道，話摩連奴批評干地贏夠四球還鼓動球迷慶祝，是對曼聯的侮辱，我真心失望。大佬呀，你好有風度地跟對手握手，很正路；你很憤怒地衝入更衣室，也有人性；即場黑面狂鬧班隊員，更有威勢。你偏偏似個小學雞般玩投訴？家陣唔係小學生校際比賽，摩連奴的反應，不問動機，只問結果，結果就是搞到自己好無型。
利雲：勇於求變，先有希望
早兩個星期，筆者講曼市打吡，話曼聯條脊骨好過曼城，跟住曼聯就即刻陷入三連敗嘅小低潮；而另一隊季初開得唔錯嘅車路士亦新敗於利物浦腳下，而家英超得返曼城一隊全勝之師！睇完曼聯同車路士嘅敗仗，筆者最大感觸係抱殘守缺只係等死，足球場上要勇於求變先有希望！
利雲：唔做轉會市場水魚的六種方法
睇返普巴喺歐洲國家盃嘅表現，佢雖然身高腳長、保護皮球能力強、後上射門不俗，但遠遠未達到球王級水平，而且受位置所限，佢唔係美斯、C 朗拿度呢類入球機器，甚至唔係一個正宗 10 號仔，究竟喺關鍵時候能唔能夠踢出身價波，幫球隊起死回生呢？呢個係一個極大嘅問號。就咁睇，曼聯、摩連奴應該會成為轉會市場嘅水魚。
利雲：摩佬回歸
呢個幾兩個禮拜，英超最熱話題已經唔係李斯特城，而係雲高爾幫曼聯奪得足總盃之後，慘食無情雞，球會宣布，小別英超半季嘅摩連奴將擔任下季領隊，曼聯進入新時代！摩佬回歸英超，唔少曼聯球迷拍手叫好，只不過，身為車迷嘅筆者覺得一切都要睇摩佬自己造化。