阿仙奴

|共8篇|

利雲:雲加很清楚分手這個責任

劇本早已寫好,上帝早已預備!阿仙奴兩回合以同樣比數 5:1 俾拜仁慕尼黑大炒,總比數 10:2 於歐聯十六強出局,而隨住聯賽已差不多成為車路士囊中物,得返足總盃可以爭,隨時又係一個四大皆空嘅球季。執教 20 年嘅雲加季尾仲有無得續約?相信係阿迷的話,應該都支持管理層另聘高明,只係英超其他 19 隊的球迷都希望佢留低,無咗雲加嘅英超,一定少咗好多話題、少咗好多歡樂。

方俊傑:曼聯追過熱刺阿仙奴?

熱刺剛好相反,去季季尾兵敗如山倒仍歷歷在目,今季不似去季有明顯追逐目標,樂觀看,壓力可能減細,悲觀看,動力也會減細。正選陣容跟替補陣容的實力,差距太明顯,也是一大弊病。試想像,只要迪利亞里狀態稍稍下滑,熱刺的戰鬥力將會削弱幾多?

利雲:假如雲加想做費格遜

臨近聖誕快車,阿仙奴錄得兩連敗,連續兩場先勝後敗俾愛華頓同曼城,俾利物浦同曼城趕過,結果又回到熟悉嘅位置,雲加同阿仙奴球迷又繼續俾人抽水喇!睇咗差不多半季,阿仙奴又開始踏上熟悉的軌跡,好多人話係魔咒,其實更多係雲加嘅管理手法做成。講真,阿仙奴今季表現已經算唔錯,歐冠盃首名晉級(雖然十六強要對拜仁)、聯賽一直保持喺前列爭標位置,而且梅斯達菲加盟,令後防表演愈來愈穩定,呢份成績表絕對合格有餘。但係相信球迷已經覺得合格咗咁多年,需要突破,咁就要睇雲加會唔會突破自己喇!

利雲:車路士的三大問題

英超車路士又輸一場!繼打和史雲斯 2:2、輸俾利物浦 2:1 之後,再慘敗喺阿仙奴腳下 3:0,聯賽連續三場不勝,仲有對阿仙奴果場,如果唔係半場已經勝負分明,阿仙奴稍稍縮後黎踢,車路士隨時輸得仲甘。經過咗季初三連勝後,陷入一個小低潮,令人關注車路士會唔會再一次淪為中游球隊?踢咗幾場波,觀察到車路士有幾個大問題要執。

利雲:英超,世界最頂級嘅聯賽?

話咁快球季又完咗大半,歐聯八強誕生,結果無太大意外驚喜,阿仙奴繼續光榮出局、車路士連續兩季被巴黎聖日耳門淘汰,英超淨返曼城一隊能夠出線。每年黎到呢個時刻,好多媒體都鍾意拎返歐洲足協個系數黎講,睇下英超幾時俾意甲法甲追上,俾人削減歐聯名額,筆者斷言呢個可能性好低,起碼要十年八載先會發生。

利雲:雲加難過熱刺關

筆者上個禮拜啱啱讚完熱刺普捷天奴青訓勁,跟住發現講青訓唔可以唔講雲高爾。點解?因為有當紅炸子雞 Rashford 搶曬鋒頭,為死氣沉沉嘅曼聯注入少少生氣。網上有人話雲高爾能夠培育咁多新星,係因為佢將一隊球員操到傷曬,變相俾機會年輕球員上陣,所以先咁多後生仔上到位,呢個論點幾有趣,不過你唔好理,雲高爾揸住半隊青年軍都贏到阿仙奴,報返首循環一敗之仇。