今季英超最矚目嘅大戰即將上演，無錯，講緊嘅就係黎緊嘅曼市打吡喇！哥迪奧拿來到英超之後第一個真正考驗，將會遇著冤家摩連奴執教嘅曼聯，由西甲鬥到英超，火藥味應該特別濃，不容錯過。
利雲 博望波
|共40篇|
利雲：高普定雲加？俾你會點揀？
英超話咁快又開鑼，無論賽前定賽後，第一輪賽事嘅焦點一定係阿仙奴對利物浦呢場比賽，可以一次過睇曬兩隊強隊嘅狀態，加上兩隊大手交易、快上快落，娛樂性十足，球迷們應該收貨。今場勝負只係一線之間，同兩隊今個轉會窗嘅操作有關。
利雲：跟風不如做自己！
歐洲國家盃曲終人散咗一排，唔少成績差嘅領隊已經俾人請食「豉椒炒魷」，港人愛隊英格蘭喺鶴臣帶領下成功脫歐，十六強俾冰島反勝後都辭職走人，英格蘭足總最後竟然宣布艾拿戴斯將會成為新一任領隊，就令到唔少球迷跌曬眼鏡！不過筆者對英格蘭足總呢個決定深表認同。
利雲：唔做轉會市場水魚的六種方法
睇返普巴喺歐洲國家盃嘅表現，佢雖然身高腳長、保護皮球能力強、後上射門不俗，但遠遠未達到球王級水平，而且受位置所限，佢唔係美斯、C 朗拿度呢類入球機器，甚至唔係一個正宗 10 號仔，究竟喺關鍵時候能唔能夠踢出身價波，幫球隊起死回生呢？呢個係一個極大嘅問號。就咁睇，曼聯、摩連奴應該會成為轉會市場嘅水魚。
利雲：一日唔死，一日都有運行！
我諗賽前無咩人估到葡萄牙能夠喺決賽擊敗東道主法國捧盃而回。今屆葡萄牙球員質素唔係頂班，比起 2004 年坐擁費高、迪高等主力嘅葡萄牙仲差一大截，佢地都自己知自己事，所以成隊都以團隊為先（除左 C 朗拿度）。
利雲：美斯與基沙文
法國今屆嘅第七場賽事，好多球迷已經唔理普巴同皮耶，因為基沙文已經正式彈出。基沙文，係咪有力成為新一代球王？成為同美斯、C 朗拿度鼎足而立嘅世界第三人呢？
利雲：另一個施丹？普巴？
今屆歐洲國家盃已經進入淘汰賽階段，好多人關心法國可唔可以借住主場之利殺出重圍，睇返頭三場分組賽，表現最出色無疑係皮耶，干堤同基沙文都幾搶鏡。但係，開波之前最多人期待嘅普巴表現不似預期，未能成為球隊重心，甚至有進退失據嘅情況出現，究竟普巴係咪過譽呢？
利雲：戰術，係令到庸才戰勝天才嘅方法
四年一度嘅歐洲國家盃上星期開鑼，首輪賽事已經完成，所有熱門球隊都已經先後出場，有好多野都值得一寫，包括普巴、鶴臣嘅戰術、西班牙嘅球隊結構等等，但筆者最想寫嘅，始終都係意大利。因為意大利場波，正好印證筆者一直以來嘅想法︰戰術，係令到庸才戰勝天才嘅方法。
利雲：摩佬回歸
呢個幾兩個禮拜，英超最熱話題已經唔係李斯特城，而係雲高爾幫曼聯奪得足總盃之後，慘食無情雞，球會宣布，小別英超半季嘅摩連奴將擔任下季領隊，曼聯進入新時代！摩佬回歸英超，唔少曼聯球迷拍手叫好，只不過，身為車迷嘅筆者覺得一切都要睇摩佬自己造化。
利雲：有信念，先可能成為冠軍
歐洲兩大盃賽之一嘅歐霸盃，正式改名做西維爾盃，由西維爾創下紀錄取得三連霸，而利物浦奪亞之後，將無緣下屆歐洲賽事，同車路士兩隊英超名牌球隊只能雙雙專注於本土賽事。睇返決賽場波，兩隊其實堅係五五波，由控球率、射門數字、角球數量等數據都係半斤八兩，勝負分野只係最後一腳埋門嘅質素同埋心理質素。
利雲：艾殊利，你走啦！
我認，之前俾我估，我寧願估諾域治、新特蘭、水晶宮「爆冷」降班，都唔會估紐卡素，點知紐卡素贏唔到篤定降班嘅維拉，加上新特蘭兩連捷、拎得救命 6 分，提早一輪成功護級，紐卡素要陪諾域治、維拉下季英冠再見。大部分紐卡素球迷應該只得一個諗法，就係想同艾殊利講：「你走啦！我唔想搞大件事！」
利雲：護級三寶 陣容、對手、士氣
賽季黎到最後階段，比賽睇一場就少一場，英超焦點除左係李斯特城之外，榜尾形勢都一樣咁緊湊。除咗今季俾人戲稱為「亞視東維拉」嘅維拉早早棄權、篤定降班之外，另外兩個降班席位就咬得好緊，主要由東北雙雄嘅紐卡素、新特蘭同諾域治爭持，而水晶宮同史雲斯都未上曬岸，邊隊來季要英冠再見，真係要鬥到最後一輪至知。邊隊要護級成功，就要睇幾樣野︰一、陣容；二、對手；三、士氣。三者缺一不可。
利雲：優點即缺點
球季進入大直路，歐冠同歐霸四強都已經產生。睇完歐冠八強兩回合嘅賽事，戰果其實唔算太出人意表，即使禾夫斯堡主場贏到皇家馬德里 2:0，返到班拿貝都幾難有運行，最後倒輸 3 球；曼城作客巴黎早著先機，取得 2 個重要作客入球，為晉身四強打下基礎；而大熱門嘅巴塞隆拿對住隊型一流嘅馬體會，只得無奈出局；而拜仁慕尼黑對賓菲加，唔駛講喇掛？
利雲：告別告魯夫
上周告魯夫因癌病逝世，荷蘭一代球王與世長辭！
余生也晚，未見過告魯夫落場踢波，最多都係「摱車邊」睇過錄影片段，「告魯夫轉身」對筆者只係道聽塗說，無特別大感受，問我佢同「施丹轉身」邊個勁啲，我都唔識答你。如果話哀痛就未免矯情，但身為戰術迷，對告魯夫逝世就無疑係感到惋惜。
利雲：英超，世界最頂級嘅聯賽？
話咁快球季又完咗大半，歐聯八強誕生，結果無太大意外驚喜，阿仙奴繼續光榮出局、車路士連續兩季被巴黎聖日耳門淘汰，英超淨返曼城一隊能夠出線。每年黎到呢個時刻，好多媒體都鍾意拎返歐洲足協個系數黎講，睇下英超幾時俾意甲法甲追上，俾人削減歐聯名額，筆者斷言呢個可能性好低，起碼要十年八載先會發生。
利雲：雲加難過熱刺關
筆者上個禮拜啱啱讚完熱刺普捷天奴青訓勁，跟住發現講青訓唔可以唔講雲高爾。點解？因為有當紅炸子雞 Rashford 搶曬鋒頭，為死氣沉沉嘅曼聯注入少少生氣。網上有人話雲高爾能夠培育咁多新星，係因為佢將一隊球員操到傷曬，變相俾機會年輕球員上陣，所以先咁多後生仔上到位，呢個論點幾有趣，不過你唔好理，雲高爾揸住半隊青年軍都贏到阿仙奴，報返首循環一敗之仇。
利雲：數英超青訓？還看普捷天奴
要一隊波成季保持好表現，除咗關球員質素、臨場戰術外，其實仲關球隊嘅戰略事！睇返英超四強，如果講戰略部署黎講，筆者就覺得熱刺嘅普捷天奴做得最好。點解咁講？
利雲：李斯特城衝啊衝！
筆者身為資深車迷，今季有兩大願望：一是車路士唔駛降班；二是雲尼亞里能夠帶領李斯特城奪冠而回。依照目前形勢，李斯特城只要周日能夠通過阿仙奴果關，餘下較可能失分的比賽只有對曼聯、愛華頓、車路士以及巨人殺手韋斯咸，首奪英超機會不低。筆者希望狐狸奪冠，除了其今季悅目表現令人信服外，更因為對雲尼亞里的情感因素。
利雲：雲加無知？
倫敦打吡，車路士再勝阿仙奴，比賽轉捩點盲嘅都知係梅迪薩卡18分鐘領紅，5分鐘之後哥斯達入埋波，場波一半入左雪櫃，之後車路士睇住食，阿仙奴無法扳平，悶住完場。係咪一張紅牌就解釋到成場嘅賽果呢？
利雲：曼聯勝在有雲高爾
曼聯憑著朗尼一箭定江山，以1:0擊敗利物浦。睇戰情、睇數據，雙方勢均力敵，有人話曼聯贏，係贏在把握力強同埋迪基亞的高水準，迪基亞左飛右撲、屢救險球，當然功不可沒，但雲高爾的戰術部署都值得一談。